Олон улсын эрх зүйн хөгжлийн байгууллага (ОУЭЗХБ)-аас Европын Холбооны санхүүжилтээр хэрэгжүүлж буй “Шүүх эрх мэдлийн байгууллагын хамтын ажиллагаа ба ил тод байдал” (2024-2026) төслийн хүрээнд Шүүх эрх мэдлийн байгууллагын хэвлэл мэдээлэл болон ИНБ-ын хамтын ажиллагаа, олон нийттэй харилцах арга зүйд суралцах олон улсын туршлага судлах үйл ажиллагааг Холбооны Бүгд Найрамдах Герман болон Бельгийн хаант улсад 2025 оны 3 дугаар сарын 15-22-ны хооронд зохион байгуулж байна.

Туршлага судлах аяллын бүрэлдэхүүнд Шүүхийн сахилгын хороо, Улсын дээд шүүхийн дэргэдэх Шүүхийн академи, Шүүхийн ерөнхий зөвлөл, Хэвлэл мэдээллийн зөвлөл, Оюуны инноваци ТББ, Gogo.mn сайт, Ханнс-Зайделийн сан болон ОУЭЗХБ-ын төлөөлөл багтаж байгаа бөгөөд Бавари мужийн Мюнхен хотын Дүүргийн Шүүх болон шүүхийн Хэвлэлийн алба, Бавари мужийн Хууль зүйн яам, Сэтгүүлчдийн холбоо, Шинэ хэвлэл мэдээллийн төв, Ерөнхий прокурорын газрын Хэвлэлийн алба, болон Бельгийн Хаант Улсын Брюссель хотын Европын бодлогын судалгааны төв, Европын гадаад харилцааны алба, Европын Парламент, Европын Зөвлөл зэрэг байгууллагуудын төлөөлөлтэй уулзаж, шүүхийн ил тод, хариуцлагатай тогтолцоог төлөвшүүлэх, шүүх, хэвлэл мэдээлэл, ИНБ-ын хооронд үр дүнтэй харилцааны сувгийг бүрдүүлэх, хамтын ажиллагааг бэхжүүлэх чиглэлээр хоёр улсын шүүх эрх мэдлийн тогтолцоотой танилцаж, туршлага судалж байна.

Тус туршлага судлах аяллын үр дүн нь шүүх эрх мэдлийн байгууллагын олон нийтэд нээлттэй, ил тод мэдээлэл хүргэх тогтолцоог бэхжүүлэх замаар шүүхэд итгэх иргэдийн итгэлийг нэмэгдүүлэх юм. Үүнд: шүүхийн талаар мэдээ, мэдээллийг ойлгомжтой, энгийн байдлаар хүргэх, шүүхийн үйл ажиллагаа, шүүхийн шийдвэрийг нээлттэй ил тод мэдээлэх, хэвлэл мэдээлэл болон ИНБ-тай хамтран ажиллах. Түүнчлэн, хамтын ажиллагааны стратеги болон олон нийттэй харилцах арга зүйг тус тус боловсруулах юм. Мөн, Европын Холбооны шүүх, хэвлэл мэдээлэл, иргэний нийгмийн байгууллагын хооронд туршлага солилцож, хамтын ажиллагааг өргөжүүлэх юм.

Тус төслийг Шүүхийн сахилгын хороо, Монгол Улсын дээд шүүх, Шүүхийн академи,  Шүүхийн ерөнхий зөвлөл, Хууль зүй, дотоод хэргийн яам, Монголын хуульчдын холбоо болон иргэний нийгмийн төлөөлөл болох Хэвлэлийн хүрээлэн, Глоб Интернэшнл Төвтэй хамтран хэрэгжүүлж байгаа ба иргэний нийгэм, хэвлэл мэдээлэл болон шүүх эрх мэдлийн байгууллага хоорондын харилцаа, хамтын ажиллагааг бэхжүүлж, шүүхийн шинэчлэлд дэмжлэг үзүүлнэ. Төслийн хүрээнд иргэний нийгмийн байгууллагуудын эрх зүйн боловсролыг нэмэгдүүлж, хүний эрхийн талаарх ойлголтыг сайжруулж, сэтгүүлч, хэвлэл мэдээллийн байгууллагуудыг тайлбарлах сэтгүүл зүй болон шүүхийн сэтгүүл зүйн аргад суурилсан хэргийн тойм мэдээ бэлтгэх, хэвлэл мэдээллийн бүтээлд хүний эрхийн болон жендэрийн мэдрэмжтэй хандах чиглэлээр чадавхыг бэхжүүлнэ. Улмаар иргэний нийгэм, хэвлэл мэдээлэл, шүүх эрх мэдлийн байгууллагын харилцаа, хамтын ажиллагааг сайжруулах замаар Монгол Улсын шүүх тогтолцооны хөгжилд хувь нэмэр оруулах юм.

Олон улсын эрх зүйн хөгжлийн байгууллага (ОУЭЗХБ) нь энх тайван, шударга ёс, хууль дээдлэх ёс, тогтвортой хөгжлийг дэмжин, эдийн засгийн боломжийг нэмэгдүүлэх зорилгоор хууль эрх зүйн салбарт шинэчлэл хийх, байгууллагын чадавхыг бэхжүүлэхэд улс орнуудын засгийн газар болон ард иргэдийн ойлголт, мэдлэгийг нэмэгдүүлэн, ажилладаг засгийн газар хоорондын олон улсын байгууллага юм.

Олон улсын эрх зүйн хөгжлийн байгууллага (ОУЭЗХБ)-аас Европын Холбооны санхүүжилтээр хэрэгжүүлж буй “Шүүх эрх мэдлийн байгууллагын хамтын ажиллагаа ба ил тод байдал” (2024-2026) төслийн хүрээнд Шүүх эрх мэдлийн байгууллагын хэвлэл мэдээлэл болон ИНБ-ын хамтын ажиллагаа, олон нийттэй харилцах арга зүйд суралцах олон улсын туршлага судлах үйл ажиллагааг Холбооны Бүгд Найрамдах Герман болон Бельгийн хаант улсад 2025 оны 3 дугаар сарын 15-22-ны хооронд зохион байгуулж байна.

Туршлага судлах аяллын бүрэлдэхүүнд Шүүхийн сахилгын хороо, Улсын дээд шүүхийн дэргэдэх Шүүхийн академи, Шүүхийн ерөнхий зөвлөл, Хэвлэл мэдээллийн зөвлөл, Оюуны инноваци ТББ, Gogo.mn сайт, Ханнс-Зайделийн сан болон ОУЭЗХБ-ын төлөөлөл багтаж байгаа бөгөөд Бавари мужийн Мюнхен хотын Дүүргийн Шүүх болон шүүхийн Хэвлэлийн алба, Бавари мужийн Хууль зүйн яам, Сэтгүүлчдийн холбоо, Шинэ хэвлэл мэдээллийн төв, Ерөнхий прокурорын газрын Хэвлэлийн алба, болон Бельгийн Хаант Улсын Брюссель хотын Европын бодлогын судалгааны төв, Европын гадаад харилцааны алба, Европын Парламент, Европын Зөвлөл зэрэг байгууллагуудын төлөөлөлтэй уулзаж, шүүхийн ил тод, хариуцлагатай тогтолцоог төлөвшүүлэх, шүүх, хэвлэл мэдээлэл, ИНБ-ын хооронд үр дүнтэй харилцааны сувгийг бүрдүүлэх, хамтын ажиллагааг бэхжүүлэх чиглэлээр хоёр улсын шүүх эрх мэдлийн тогтолцоотой танилцаж, туршлага судалж байна.

Тус туршлага судлах аяллын үр дүн нь шүүх эрх мэдлийн байгууллагын олон нийтэд нээлттэй, ил тод мэдээлэл хүргэх тогтолцоог бэхжүүлэх замаар шүүхэд итгэх иргэдийн итгэлийг нэмэгдүүлэх юм. Үүнд: шүүхийн талаар мэдээ, мэдээллийг ойлгомжтой, энгийн байдлаар хүргэх, шүүхийн үйл ажиллагаа, шүүхийн шийдвэрийг нээлттэй ил тод мэдээлэх, хэвлэл мэдээлэл болон ИНБ-тай хамтран ажиллах. Түүнчлэн, хамтын ажиллагааны стратеги болон олон нийттэй харилцах арга зүйг тус тус боловсруулах юм. Мөн, Европын Холбооны шүүх, хэвлэл мэдээлэл, иргэний нийгмийн байгууллагын хооронд туршлага солилцож, хамтын ажиллагааг өргөжүүлэх юм.

Тус төслийг Шүүхийн сахилгын хороо, Монгол Улсын дээд шүүх, Шүүхийн академи,  Шүүхийн ерөнхий зөвлөл, Хууль зүй, дотоод хэргийн яам, Монголын хуульчдын холбоо болон иргэний нийгмийн төлөөлөл болох Хэвлэлийн хүрээлэн, Глоб Интернэшнл Төвтэй хамтран хэрэгжүүлж байгаа ба иргэний нийгэм, хэвлэл мэдээлэл болон шүүх эрх мэдлийн байгууллага хоорондын харилцаа, хамтын ажиллагааг бэхжүүлж, шүүхийн шинэчлэлд дэмжлэг үзүүлнэ. Төслийн хүрээнд иргэний нийгмийн байгууллагуудын эрх зүйн боловсролыг нэмэгдүүлж, хүний эрхийн талаарх ойлголтыг сайжруулж, сэтгүүлч, хэвлэл мэдээллийн байгууллагуудыг тайлбарлах сэтгүүл зүй болон шүүхийн сэтгүүл зүйн аргад суурилсан хэргийн тойм мэдээ бэлтгэх, хэвлэл мэдээллийн бүтээлд хүний эрхийн болон жендэрийн мэдрэмжтэй хандах чиглэлээр чадавхыг бэхжүүлнэ. Улмаар иргэний нийгэм, хэвлэл мэдээлэл, шүүх эрх мэдлийн байгууллагын харилцаа, хамтын ажиллагааг сайжруулах замаар Монгол Улсын шүүх тогтолцооны хөгжилд хувь нэмэр оруулах юм.

Олон улсын эрх зүйн хөгжлийн байгууллага (ОУЭЗХБ) нь энх тайван, шударга ёс, хууль дээдлэх ёс, тогтвортой хөгжлийг дэмжин, эдийн засгийн боломжийг нэмэгдүүлэх зорилгоор хууль эрх зүйн салбарт шинэчлэл хийх, байгууллагын чадавхыг бэхжүүлэхэд улс орнуудын засгийн газар болон ард иргэдийн ойлголт, мэдлэгийг нэмэгдүүлэн, ажилладаг засгийн газар хоорондын олон улсын байгууллага юм.